Konbienn kréol la soufèr…

Parol séga par Amaury

 

Si la tèr kamarad shakinn son mizèr

Sét a ki koné son doulër

E si souvan mi plër le soir

sé par fierté ki fé pa voir ;

A koi i ser touzour plëré sï son sor

Esèy montre azot lé plï for

Gèt pa touzour sak lé plï o d’nou

Zèt inn ti kou d’ëyi an dessou

 

Konbienn kréol la soufèr

la fin , la soif é la pèr

E la zamé konï koué k’sé l’bonër

Pourtan touzour la lïté

pou konserv nout liberté

Zot non lé nonbrë, mi pé pa sité.

 

Ossi zordi dann mon shan

I rann onër a sé zan

Ke la pa ézit a doné zot san

Inn-dé mi kroi i viv ankor

Mé la plïpar la fine mor

Lé reskapé i di anou ankor :

 

Si la tèr kamarad shakinn son mizèr

Sét a ki koné son doulër

E si souvan mi plër le soir

sé par fierté k’i fé pa voir ;

A koi i ser touzour plëré sï son sor

Esèy montre azot lé plï for

Gèt pa touzour sak lé plï o d’nou

Zèt inn ti kou d’ëyi an dessou

 

E konbien ankor zordi

Zot i (2) sakrifi

Afin k’ sïr tèr toul’moun i viv an pé

Zot i konbat la mizèr

In pé partou si la tèr

Domoun i gaingne kan sré

Zist in ti pé

 

Zot sakrifis difisil

Mi espèr s’ra pa inïtil

Car nout pli gran défo

Sé d’èt anvié : Nou na vin fran, ni vé san

Akoz intèl na dé-san

A koté d’nou

Na lot na poin dï tou.

 

(refrain à la trompette)

 

Si la tèr kamarad shakinn son mizèr

Sét a ki koné son doulër

E si souvan mi plër le soir

sé par fierté k’i fé pa voir ;

A koi i ser touzour plëré sï son sor

Esèy montre azot lé plï for

Gèt pa touzour sak lé plï o d’nou

Zèt inn ti kou d’ëy an dessou… zèt inn ti kou d’ëy an dessou…

 

 

Si zot i lir, sinonsa kan zot i akout séga-la

Kosa i fé mazine azot ?